Museum Vest
Nordsjøfartmuseet
Nordsjøfartmuseet ligg i Telavåg på øya Sotra vest for Bergen. Under 2. verdskrigen var Telavåg eit av knutepunkta i Nordsjøfarten – den illegale båttrafikken mellom Noreg og Storbritannia.
26. april 1942 blei to tyske offiserar skotne av norske agentar i Telavåg. Tyskarane reagerte på dette ved å utsetja bygdefolket for alvorlege represaliar. Alle vaksne menn blei sendte til tyske konsentrasjonsleirar, medan kvinner og born blei internerte på Framnes i Hardanger. Vidare sprengde tyskarane alle hus og andre byggverk slik at bygda vart heilt utsletta.
Nordsjøfartmuseet si hovudutstilling omhandlar Telavågtragedien. Museet har også utstillingar om Nordsjøfarten og Shetlands-Larsen, ein sentral person i denne trafikken. Vidare vert det vist skiftande utstillingar, som regel med krig/menneskerettar som tema. Museet har kafé og butikk. Nordsjøfartmuseet er eit godt utgangspunkt for turar i Nordsjøløypa.
Opningstider
September – april: søndagar kl. 12–17
Mai - august: måndag - laurdag kl. 11-16, søndagar kl. 12-17.
Elles etter avtale.
Entré
Vaksne: kr. 50,-
Born: gratis
Grunnskuleelevar som følgjer pedagogisk opplegg: kr. 30,- per elev.
Grupper over 20 personar: kr. 30,- per person.
Kjøp Museum Vest-billett!
For kun kr. 100,- kjem du inn på alle seks musea i løpet av ein sesong!
Gjeld for enkeltbesøkjande - ikkje grupper.
Kontaktinformasjon:
Besøksadresse:
5380 Telavåg
Telefon:
56 32 74 40
E-post:
nordsjofartmuseet@museumvest.no
